泰星匯泰國菜

新都會睇完戲想食宵夜, 但係好多餐廳都早左last order, 所以黎呢間泰國菜食, 佢算係葵芳夜D收既餐廳.
香葉炒大蜆, 都真係幾多香葉, 加埋D辣椒蒜頭蔥, 特別惹味.
蜆既SIZE適中, D肉唔會好細粒, 肉質好彈牙, 又鮮甜, 隻隻都開晒口.
夜晚唔好食太多肉, 黎個泰式炒雜菜, 菜爽口, 唔會炒到腍晒, 泰式口味唔會太咸.
鐵板蝦仁蛋, 呢個雖然唔似泰國菜, 但係個人好鍾意食蛋, 呢個蝦仁蛋真係好大堆蛋, 蝦又大隻爽口, 令到呢餐宵夜好滿足.