影片
更多
2022-12-14
34 浏览
凱悅海南雞專門店 Kyatt Hainan Chicken Restaurant 📍元朗教育路130號安樂樓地舖呢晚同朋友喺元朗行街，行到8點左右，見到有間海南雞專門店門口好多人等外賣，估計應該幾出名，所以就決定喺呢度食晚飯。一坐低，侍應姐姐就話我哋遲咗一步，今日啲雞已經賣曬，只係得返鴨。雖然一心想去食海南雞，但既然無曬，就一於試下佢其他菜式！溫馨提示，餐廳通常7點左右會賣曬啲雞，8點半左右截單，所以想試下佢哋遠近馳名嘅海南雞就要留意時間啦！ 💰$30瓣醬豆腐 🥢呢碟小食炸豆腐外脆內軟，豆腐表面有些少鹽，但裏面無再別作調味，因為佢係為咗點豆瓣醬而設嘅！可能係即炸即食嘅關係，外面嘅表皮好香脆，裏面嘅豆腐好滑，咬一下仲會熱到噴煙添，一碟有8至10嚿，個人覺得非常抵食！ 💰$30香茅豬扒 🐖因為無海南雞嘅關係，我哋都想叫多啲其他肉類嚟食，但我唔食牛肉，否則都會叫咗呢度老闆好推介嘅咖喱牛腩嚟試嚇！我見佢午市套餐有香茅豬扒飯，所以就叫咗份正香茅豬扒小食。香茅味唔會過濃，豬扒帶骨但好彈牙，肉質一啲都唔鞋，香口好送飯！ 💰$30黑椒雞扒 🐓黑椒雞扒嘅口味就完全唔同，佢都係煎得好香，但雞皮唔算脆。我鍾
📍元朗教育路130號安樂樓地舖
呢晚同朋友喺元朗行街，行到8點左右，見到有間海南雞專門店門口好多人等外賣，估計應該幾出名，所以就決定喺呢度食晚飯。一坐低，侍應姐姐就話我哋遲咗一步，今日啲雞已經賣曬，只係得返鴨。雖然一心想去食海南雞，但既然無曬，就一於試下佢其他菜式！溫馨提示，餐廳通常7點左右會賣曬啲雞，8點半左右截單，所以想試下佢哋遠近馳名嘅海南雞就要留意時間啦！
[價錢 Price]
💰$30
瓣醬豆腐 🥢
呢碟小食炸豆腐外脆內軟，豆腐表面有些少鹽，但裏面無再別作調味，因為佢係為咗點豆瓣醬而設嘅！可能係即炸即食嘅關係，外面嘅表皮好香脆，裏面嘅豆腐好滑，咬一下仲會熱到噴煙添，一碟有8至10嚿，個人覺得非常抵食！
[價錢 Price]
💰$30
香茅豬扒 🐖
因為無海南雞嘅關係，我哋都想叫多啲其他肉類嚟食，但我唔食牛肉，否則都會叫咗呢度老闆好推介嘅咖喱牛腩嚟試嚇！我見佢午市套餐有香茅豬扒飯，所以就叫咗份正香茅豬扒小食。香茅味唔會過濃，豬扒帶骨但好彈牙，肉質一啲都唔鞋，香口好送飯！
[價錢 Price]
💰$30
黑椒雞扒 🐓
黑椒雞扒嘅口味就完全唔同，佢都係煎得好香，但雞皮唔算脆。我鍾意佢嘅黑椒調味唔會太搶，因為咁樣先食到雞扒嘅原汁原味，雞扒肉好亂滑，雖然未去到流汁，但都食到有Juice嘅肉汁，又一送飯之選！
[價錢 Price]
💰$88
鹽水加積鴨 (半隻) 🦆
侍應姐姐再三提我哋食鴨一定要點酸辣醋食，因為咁先可以提鮮。呢度雖然只係半隻鴨，但四個人食夠曬有突，非常抵食！鴨肉好嫩滑，佢唔似滷水鴨咁重味，但口感有8成相似。的確點埋個汁係好食啲，唔食得辣嘅都唔洗擔心，佢個醋唔會過酸，辣都係好微，可以放心點。
[價錢 Price]
💰$60
枸杞豬潤瘦肉湯 🍲
呢個係全餐入面最正嘅一味，豬潤難處理得乾淨好食已經好難，佢哋嘅豬潤仲要係爽口唔粉嘅，勁難得！枸杞一啲都唔苦，豬肉絲似肉絲炒麵嗰種，份量多得驚人。我哋異口同聲咁講「真係好似阿媽煲嘅咁，好有家的感覺！」，後尾老闆見我哋食得咁津津樂道 就同我哋介紹佢用咩材料熬湯。原來佢哋每款老火湯都無落味精，而且會用拆出嚟嘅雞殼熬過湯底！雖然我哋冇試到佢嘅例湯，但老闆話每個海南雞餐都有一碗紫菜例湯，仲話雖然係例湯，但都落足心機煲，堅持唔落味精，真係好有心機！
[價錢 Price]
💰$25
椰汁紅豆冰 🥛
最後我哋一人仲叫咗一杯紅豆冰，飲得出好重椰奶味，紅豆煲到起曬沙，雖然夏天飲一定會更好味，但冬天飲都另有一份滋味！
總括而言，我覺得喺呢度食晚餐價錢好抵，性價比好高！雖然今次食唔到佢哋好出名嘅咖喱同海南雞，但反而試到一啲無咩人知嘅正嘢，由簡單嘅幾道菜，就知道老闆同餐廳對食物嘅用心。佢哋比到食客一種溫暖嘅家庭感，喺用餐過程亦會同食客閑談，老闆仲分享咗佢一位做教師嘅客人寫俾佢嘅詩添，可以見到大家對佢哋嘅喜愛。如果住附近又想食得平食得正，就一定要多多支持佢哋啦！
张贴
