影片
更多
2016-07-01
2593 浏览
今日去到朋友介紹的餐廳和朋友聚會，去到見到樓底高，配合柔和的燈光令人感覺舒適。餐廳內有樂隊位置，大概晚上9點左右就會有樂隊表演。另外有3部電視，啱晒鍾意睇球賽的客人。之後待應都比餐牌之後餐會主動同客人交流，感覺好親切。今晚 order 咗個 Happy Meal Sets, 有驚喜嘅係個份量都算多，如果兩個女仔去食就可能食唔晒。我地一路食，食完一道菜，職員會過嚟問返客人意見，此舉既能確保菜式的水準，又可拉近同顧客的距離，一舉兩得。餐飲 :Beer: Murphy's有咖啡味的黑啤，麥味會較重，易入口。Cocktail: Berries Sentiment入口好清新，士多啤梨味重，對於唔係成日飲酒嘅女仔係一個唔錯的選擇。Starter：焗法式酥皮田螺：賣相好精緻，每份田螺肉都有酥皮裝住放喺薯蓉上。個酥皮整得好鬆脆，田螺好入味。有薯仔粒的薯蓉真係第一次食，好有新鮮感。Entrée :海膽焗龍蝦黑松露野菌意大利飯：龍蝦肉好鮮甜，用叉已經好容易將龍蝦肉取出。舖面的芝士有拉絲效果，而芝士味都好重。但相對海膽味要好仔細去品嚐先feel到，味道唔係好出。意大利飯就好creamy, 配埋黑松露一齊食好
之後待應都比餐牌之後餐會主動同客人交流，感覺好親切。今晚 order 咗個 Happy Meal Sets, 有驚喜嘅係個份量都算多，如果兩個女仔去食就可能食唔晒。我地一路食，食完一道菜，職員會過嚟問返客人意見，此舉既能確保菜式的水準，又可拉近同顧客的距離，一舉兩得。
餐飲 :
Beer: Murphy's
有咖啡味的黑啤，麥味會較重，易入口。
Cocktail: Berries Sentiment
入口好清新，士多啤梨味重，對於唔係成日飲酒嘅女仔係一個唔錯的選擇。
Starter：
焗法式酥皮田螺：
賣相好精緻，每份田螺肉都有酥皮裝住放喺薯蓉上。個酥皮整得好鬆脆，田螺好入味。有薯仔粒的薯蓉真係第一次食，好有新鮮感。
Entrée :
海膽焗龍蝦黑松露野菌意大利飯：
龍蝦肉好鮮甜，用叉已經好容易將龍蝦肉取出。舖面的芝士有拉絲效果，而芝士味都好重。但相對海膽味要好仔細去品嚐先feel到，味道唔係好出。意大利飯就好creamy, 配埋黑松露一齊食好 match. 整體油份會比較重，食得多會有少少漏。餐廳職員為我哋介紹呢道菜的特色，要分別煮好意大利飯同野菌，之後再mix埋一齊煮，最後再加橄欖油同黑松露。剩係聽個程序都覺得廚師要花心機去煮。
德國燒豬手 :
豬手一拎到嚟，我第一個感覺係好有份量。等你影好相，職員會幫你切好豬手，等你容易d食。職員亦會主動介紹若配搭相對應的啤酒，更能帶出豬手的鮮味。今晚職員就倒咗兩杯仔俾我哋試。啤酒麥味重，配埋一齊又真係唔錯喎，果然夠專業。而豬手皮燒到好脆，豬手肉好滑身。另外有酸菜同沙律配埋，剛好中和豬手的油份。薯角外脆內軟，令人停唔到口。
呢餐飯食得好滿意，無論服務至食物質素都非常好。著重服務質素的我，感受到佢地對工作的熱誠，真誠的服務態度令我對M1 加分。
张贴
