元祖沾麵專門店 (已結業)

今日放假自己一個去左做facial🧏🏻‍♀️女仔黎架嘛～梗係要保養下啦😚😚變完靚靚又係時候醫下個肚啦🤰🏻最近想透過輕斷食去控制體重，所以一日通常都係食1-2餐，變相令我好珍惜每一餐，希望果腹之餘，同時要滿足到味蕾😋😋作為新界居民，黎到尖沙咀就等我踩踩點，食下出名既元祖沾麵啦！🍜🍜與一般日本沾麵/拉麵店不同，呢度配料選擇豐富且奢華，有龍蝦🦞、鮑魚、帆立貝、廣島蠔、蟹黃、海膽，選擇多到目不暇給，都唔知點簡好！！！🙉🙉🙉既然呢度出名沾麵，就點佢最出名既元祖龍蝦沾麵啦😤先講湯底，一上枱已經俾佢滾動既湯汁驚艷到，龍蝦既香味隨著沸騰既湯頭變成一股熱氣，慢慢飄到我面前，都未食已經留曬口水！🤤🤤🤤湯汁呈橙黃色，質地十分濃郁，蝦頭、蝦殻全部都被廚師用作熬湯，啖啖龍蝦鮮味充斥成個口腔！湯底有粒粒龍蝦肉及日式叉燒既邊角料，用料一啲都唔馬虎。再黎講到主食，麵質夠粗身有咬口，而且非常掛汁，龍蝦既精華掛滿麵條，一啖入口，嘴角不經意已經掛上幸福既微笑☺️☺️☺️最後，配菜方面，點少得日式叉燒呢🫶🏻叉燒面頭用火槍燒過，食落焦香，而且半肥瘦既原故，入口即溶😋另外，糖心蛋蛋黃濃郁、晶瑩，味道咸甜咸甜的，蛋味十足👍🏻🐣由嗅覺、視覺