滷友記 (加路連山道) (已結業)

性價比好高既滷水店，鐘意食滷水同車仔麵既朋友仔都可以黎試下🙌🏻滷友三寶麵 $57滷水湯好濃郁，食落唔太咸，帶點藥材味。配料有牛𦟌、金錢肚同牛筋。三大塊牛𦟌同啲牛筋都好腍，而金錢肚就比較彈牙👍🏻 配米粉成碗麵都好入味滷水雞翼（4隻）$31賣相都幾有誠意！配上芝麻同蔥花點綴，滷水雞翼入味得黎又唔會太腍，煮得啱啱好。椒鹽炸墨丸（5粒）$24即叫即炸夠新鮮，如果可以再大粒啲就好喇✌🏻飲品方面選擇都幾多，除咗一般既檸茶咖啡奶茶之外，仲有自家製飲品。叫左杯凍既鮮檸檬薏米水，好足料！薏米非常多得黎又夠解渴。