湯品小棧 (已結業)

無飯主婦其實都好想有啖老火湯飲下，但又實在無時間又無心機煲，而出去飲，就最怕飲到好味精既野，無益得黎可能仲有害。經朋友介紹下，原來屋企附近都有間養生湯飲，有六個湯可以揀，價錢由28到49蚊。除左湯仲可以加錢配埋小食同主食，成為一個燉湯套餐。我呢就叫左個特別推介湯，一問下原來係蟲草花湯（$38）,聽講功效和冬蟲草有點相似,有滋肺補腎、護肝、抗衰老等，由於係燉湯，所以飲落一d都唔油，清清地，好滋潤。仲配左隻溏心鹵雞蛋$7，非常入味，而溏心效果都做得好好，配飯食一流，主食就要左個健康紅米飯（$4），分量都好夠飽肚。下次加多個肉就prefect了！