BURGA (屯門市廣場) (已結業)

終於平日時間經開屯市既FoodMaze，可以入去搵食😋😋我地大約1點左右去到，都多吉位容易搵位既，而且冷氣勁足，熱天唔洗怕食到流晒汗啦✌🏻今次就食呢間叫 BURGA 既漢堡包店，有經典漢堡包、新式漢堡包，以及素漢堡包都有。難得黎到，一於試下新式d漢堡包啦！由於即叫即整需時，加上係螢幕顯示前面有10張柯打，所以我地都等左45分鐘先拎到野食。好在d野食都好好味，無辜負到我地既期待。🦀 軟腳蟹burga隻軟腳蟹有成個包咁大，採用左芥末醬，除左可以令到食起黎既口感唔會油膩外，淡淡既芥末味重可以為味蕾帶黎多一番滋味。而且麵包帶有煙韌感，食落更有口感。🦞 脆皮龍蝦burga打開時先知原來唔係舊龍蝦脆皮，而係個麵包用左酥皮代替。新鮮炸起既龍蝦肉餅配上龍蝦湯般既汁，又脆又彈牙，重好juice添💦買包加$30可以有埋🍟薯條 + 🍗小食 +🥤飲品🍟薯條有普通薯條、紫薯條、蕃薯條揀。我地就食返普通薯條，粗身既，重有多款醬汁可以揀添！我地就揀左蛋人醬 = 咸蛋黃醬，啖啖薯條都有咸蛋黃味，好正👅🍗炸雞鎚跟餐有1隻雞鎚，都算大隻，而且啖啖肉又多汁。