蟹點

营业中

休息中

相约鴨脷洲朋友食飯一聚，距話附近有間餐廳唔錯。入到黎見到環境都幾好，地方乾淨闊落，同埋好多唔同菜式可以選。粵式小菜，打冷，泰菜，我地樣樣叫左D試試。招牌白胡椒蟹我就好鍾意食蟹，今次點左個招牌白胡椒蟹試試。鐵板熱辣辣上，淋上白胡椒汁，香氣十足。肉蟹夠曬大隻，蟹鉗都成只手掌咁大，蟹肉結實鮮甜，同白胡椒汁十分夾，小小辣好惹味。而且鐵板保持住蟹既溫度，慢慢食都唔怕凍。下次過黎可以再食多次。推薦！紅燒脆皮乳鴿乳鴿賣相唔錯，顏色燒得好均勻，入口皮脆肉嫩多汁。唔沾任何汁料都已經夠曬入味。滷水拼盤滷水拼盤份量好充足，滷水腩肉，鵝腸，大腸，墨魚，紅腸，滷水雞蛋，豬耳等。大腸夠厚身，鵝腸夠爽脆，滷水汁咸香咸香，再沾小小白醋和辣油一齊食，非常正。椒鹽脆皮豆腐粒豆腐粒粒都炸得咁靚，皮薄而脆，豆腐滑而嫩。金銀蛋肉鬆浸翡翠苗平時食金銀蛋菠菜就多，金銀蛋翡翠苗都係第一次，估唔到翡翠苗都幾嫩，唔錯唔錯。