影片
更多
2019-06-05
144 浏览
今日係呢間餐廳享受到高質素嘅廚師發板套餐。餐廳擺設充滿濃厚日本風情，店員非常有禮貌，一邊食，師傅會一邊介紹每款食物既特點，服務係令人十分滿意既。師傅有多年經驗，每款食材都經過精挑細選，細心處理同調味，好欣賞佢地既專業👍😊一開始先食前菜，我第一次食果茄，估唔到番茄都可以好似水果一樣咁香甜，甜為主，酸為輔，我覺得好好食！相信就算唔食番茄嘅人都會接受到佢嘅味道！湯葉既豆香十足，口感柔滑。里芋有淡淡芋頭香，口感較有黏性。黑棓見極之新鮮，有驚喜。九絗同酸汁二合為一，酸酸地，又唔會覆蓋魚生本來嘅味道，好開胃。全晚最令我驚喜嘅就係呢份北海道真蠔，係我人生食過最好食既生蠔！份量十足，幾乎同手掌一樣大，視覺效果已經令人相當驚艷。而味道都冇令我失望，一入口第一個感覺就係新鮮，由邊位開始慢慢食到主體，味道逐濃，難得嘅係幾乎冇腥味，微咸既海水味徘徊係口腔，令人好享受嘅味道。北寄貝有稍微燒過，逼出海鮮既精華，鮮甜好味。汁煮鮑魚啖啖肉，咬落去多汁，肉質結實肥美。而個肝則味道較濃。而八爪魚鮮嫩，有少少酸酸地，味道清新。鮟鱇魚肝又係我最愛嘅食物之一。之前去日本食過，一直都念念不忘。鮟鱇魚肝肉質淡雅，細膩，食得出用料非
今日係呢間餐廳享受到高質素嘅廚師發板套餐。餐廳擺設充滿濃厚日本風情，店員非常有禮貌，一邊食，師傅會一邊介紹每款食物既特點，服務係令人十分滿意既。師傅有多年經驗，每款食材都經過精挑細選，細心處理同調味，好欣賞佢地既專業👍😊
一開始先食前菜，我第一次食果茄，估唔到番茄都可以好似水果一樣咁香甜，甜為主，酸為輔，我覺得好好食！相信就算唔食番茄嘅人都會接受到佢嘅味道！湯葉既豆香十足，口感柔滑。里芋有淡淡芋頭香，口感較有黏性。黑棓見極之新鮮，有驚喜。
九絗同酸汁二合為一，酸酸地，又唔會覆蓋魚生本來嘅味道，好開胃。
全晚最令我驚喜嘅就係呢份北海道真蠔，係我人生食過最好食既生蠔！份量十足，幾乎同手掌一樣大，視覺效果已經令人相當驚艷。而味道都冇令我失望，一入口第一個感覺就係新鮮，由邊位開始慢慢食到主體，味道逐濃，難得嘅係幾乎冇腥味，微咸既海水味徘徊係口腔，令人好享受嘅味道。
北寄貝有稍微燒過，逼出海鮮既精華，鮮甜好味。
汁煮鮑魚啖啖肉，咬落去多汁，肉質結實肥美。而個肝則味道較濃。而八爪魚鮮嫩，有少少酸酸地，味道清新。
鮟鱇魚肝又係我最愛嘅食物之一。之前去日本食過，一直都念念不忘。鮟鱇魚肝肉質淡雅，細膩，食得出用料非常新鮮。適合慢慢細嚼，用心欣賞。
呢度會提供自家製嘅柚子蘿蔔同薑片。柚子蘿蔔爽口清新，柚子令味道更上一層樓。而薑片切成少少一塊薄片，薑既味道既唔會過火，兼保留輕微既辛辣感。平時唔食薑片嘅我，都接受到，仲覺得幾好食添。
▫️金時鯛係第一道壽司，味道較淡，有淡淡魚香。
▫️銀魚咬落去有少少骨，先有一點微苦，然後慢慢會有甘味。因製作工序繁複，所以甚少可以食到。
▫️食廚師發辦一定唔少得既赤貝，咬落去爽口彈牙，鮮味十足。
▫️石鯛既肉質較實在，魚香味濃。
▫️小肌最特別既地方就係咸同酸味並存，而且魚味重，味道非常突出，令人印象深刻。
▫️原粒帶子同海膽係不敗既組合，海膽非常鮮甜，唔會有半點苦味，食落亦唔會有膩感。
▫️杜舟蝦有香濃既蝦膏香氣。
▫️鯖魚同薑蔥互相配合，令味道昇華。
▫️大拖羅令我非常難忘，油脂豐腴，魚香滿溢，令人回味。
▫️拖羅卷既內餡係燒過既拖羅，而且細心地加上紫蘇葉，可以解膩。
瑩光魷魚加埋醋飯一齊食用，更易入口。
馬糞海膽鮮甜美味。
最後店員奉上魚湯及紅豆抹茶雪米滋作結。
张贴
