和居和居 (已結業)

位於銅鑼灣嘅日本料理，除咗吧枱，仲有二人或者四人枱，留意到唔少人鍾意嚟飲兩杯happy hour，有居酒屋嘅熱鬧氣氛~ 🔘雜錦刺身盛吞拿魚、赤蝦、深海池魚、三文魚、帶子同海膽各兩片，刺身全部厚切，鮮味十足，魚類之中最鍾意池魚，有魚油香魚肉結實，另外海膽都好好食，鮮甜味豐厚，一啲都唔腥~ 🔘明太子厚燒玉子玉子燒有蛋香軟綿綿，甜甜嘅蛋味同明太子嘅鹹味相撞，份外滋味，而且明太子份量足，一啲都唔吝嗇~🔘蟹肉甲羅燒蟹肉鋪滿成個蟹蓋，加上蟹膏同蟹籽，醬汁有淡淡清酒味道，鮮味滿滿~🔘雞肝串🔘梅醬雞胸肉串 雞肝幾高質，裏面保持粉嫩juicy，醬汁味道濃郁，非常好食~ 近來大愛有梅嘅料理，酸酸甜甜好開胃呀，雞胸肉幾嫩但就唔太有燒過嘅痕跡~🔘納豆卷🔘梅肉燒飯團好少見到香港嘅Menu有納豆卷，咁特別點都要試吓啦!!