一開頭佢地就俾咗一盤好大盤嘅刺身，好靚好吸引，流哂口水，裡面仲有送生蠔同海膽，刺身質素都唔錯，尤其個蝦同玉子真係鮮甜😋
另外我都點咗個壽喜燒邊爐，啲牛肉嘅質素就一般啦，但因為啲菜就吸哂壽喜燒湯，食起黎就幾甜，幾好食😛
之後我地分別都叫咗冷盤同熟食，都覺得熟食好食啲，炸雞翼真係整得脆，又juicy，真心推介。
另外炸鮮奶同炸紫薯球都好好食，幾甜，同外脆內軟👍🏻👍🏻
最後雪條都有好多味揀，我就無食哂，食咗條幾得意嘅珍珠奶茶味雪條，味道都唔錯
總括嚟講，依度嘢食款式多，食物質素大致都幾好唔錯，尤其係啲炸物（炸雞翼點咗2次😙)，會再嚟幫襯💛💛
