川味辣蟹·串燒·烤魚·雞煲·專門店 (已結業)

今期又去食D惹味又刺激味蕾嘅美食滿足食慾，首選一定係川菜美食風味夠晒正宗，今晚就來到尖沙咀金巴利道呢間川味辣蟹食肆好好品嚐一番，係門口已被呢盤招牌菜海鮮大咖吸引住眼中，當然美食梗係唔止咁少，仲有豬骨煲、馳名砂鍋粥、招牌炒蟹、烤魚、串燒同多款火鍋配料等，真係未必一次咁食得晒所有口味，我哋都點了幾款人氣美食，家陣做緊$1蚊優惠菜式，平均每人消費滿$150以上就可以食到以下其中一款美食川味雞煲、花膠雞湯及椰子雞湯，我哋首選係川味雞煲份量都有半隻，用Gas爐煲住一邊咁食到啖啖辣味香滑雞肉，配合出色嘅醬汁更份外滋味，輪到有海鮮精選推介，日式燒原隻墨魚筒，肉質彈口鮮嫩多汁，沾上香甜燒醬汁同辣粉提升味道，到另一款招牌豬骨煲用料十足，有蘿蔔同粟米以及大大件豬骨，先飲碗鮮甜美味湯底滋潤一下，滾多一陣先至享用等食材吸收湯汁精華先，再食番串燒鮮白鱔，入口皮脆肉嫩飽滿魚油係口中散發出來，食得津津入味，仲有呢件風味燒黑豚肉，油脂分布平均香脆可口，係時候攞返件豬骨慢慢㗳下先，食到飽滿骨膠原肉粒，再點了其他火鍋配料一邊滾食一邊食夠晒滿足，最後食埋呢碗酸酸辣辣開胃十足嘅四川酸辣粉，咁又享受一餐地道風味美食。