呢度真係出奇地闊落，環境唔單止有空間感，仲有啲高級feel，枱椅設計又靚又舒服，簡直係繁忙都市中嘅「秘密基地」！🌿🍃
入到去第一眼就見到啲韓式包包，好吸引👀
有粟米、薯仔、蕃薯包，款款都好靚又特別。
我揀咗牛奶吐司，打開包裝嗰陣，嗅到陣陣香濃牛奶味，冇騙人嘅真材實料👍。
牛角包就更加唔使講，鬆脆到一咬即碎，滿口香氣～ 🥐💖
我哋仲試咗佢嘅韓式飯餐，價錢$78-$88!
每個set都有前菜，再加主菜，加隻煎蛋，加$10就有罐裝飲品＋雪糕！🍹🍨我點咗泡菜炒豬肉飯，味道真係好有韓國feel，泡菜酸酸辣辣好開胃，煎蛋仲係熱辣辣流心添，好滿足！
朋友嗰個牛肉飯調味啱啱好，唔會過鹹過淡，大家仲搶住食幾啖飯😂。
最搞鬼係，間café仲準備咗啲角色扮演嘅眼鏡同假髮，感覺好適合book場開party，食下玩下影下相📸🎉。
呢個價錢，食物質素又高，地方又咁舒服，絕對值得一試～下次試埋佢其他包！🍞🥳
