「和」日本料理

营业中

休息中

因為staycation 關係揀左酒店內嘅一間日式餐廳。原先望左OpenRice，見唔係好多人留食評，但留嘅通常都係好評，所以決定試下。餐廳位置雖小，但人情味十足。serve 我哋嘅係响度經已做左好耐嘅Ms Rainbow，由妹妹做到而家嘅嫲嫲。由於唔係十分餓，我哋點左一個sashimi set 同吉列黑豚肉。响等候期間同Rainbow有傾有講，配上柔和嘅音樂，感覺好舒服。眼前見到師傅話嘅當做炸蟹，我哋又試下。既新奇又有趣。刺身方面，好新鮮，尤其是係蝦！不過相對地，吉列黑豚肉就冇乜特色，餐廳食刺身實在較為出色。最後個set可以揀雪糕或者咖啡，我哋揀咗雪糕，雪糕亦都有兩款，有綠茶同柚子，我揀咗平時小食嘅柚子，果然無揀錯，好喜歡佢嘅清甜。