今日次子話想食餃子🥟就去左家後，抵食又溫馨❤️
當天我們大約等左15分鐘有位，但一直都見店外好多人排隊，都估到呢間餃子店味道好正
（$40）有8隻煎餃子 🥟+ $2 就可以雙拼
煎餃今次就叫左香菇粟米雞肉餃 拼 洋蔥豬肉餃
隻隻餃子都煎到金黃色，外皮夠晒脆、夠晒乾身！
在menu洋蔥豬肉餃 是有👍🏻 ，真係餃如其名🤤香口！
個人喜歡香菇粟米雞肉餃，因為餡依然保持濕潤嘅狀態，煎得雞肉好香好惹味！
（$36）有8隻湯餃子🥟 + $2 就可以雙拼
湯餃今次就叫左雲耳椰菜豬肉餃、菠菜豬肉餃。
湯底係粉葛湯，正！媽媽味道，飲落冇味精，仲有粉葛湯健脾去濕、利水消腫、去骨火，飲完覺得好溫暖！仲有條生菜，好健康😋
兩款餃子皮薄Juicy，餡料豐富
自家製菜莆又香又辣，夾埋餃子一齊放入口，真係不得之了咁好食😋
另外再加$15就可以配套餐，今次我哋叫咗兩隻滷水雞翼同埋自家製日本飯團🍙 仲叫左凍檸茶同凍檸賓飲👍🏻
自家製日本飯團🍙係用咗日本米粒粒分明，食得出有牛蒡絲，日本醬油味，唔會太濕亦唔會太乾，係媽咪整嘅味道😭
滷水雞翼
肉質好嫩 好入味
滷水豬大腸
次子想食，所以就叫，好爽口入味，唔似嚼橡皮一樣，可以一試👍🏻
一入舖頭就見到雪櫃有唔同嘅芝士蛋糕，未點嘢食我已經同次子講，一定要食埋甜品。
我哋叫左抹茶芝士蛋糕，份量唔大唔細啱啱好，食落係密度好高嘅芝士，每一啖都感受到芝士同cream嘅融合，一啲都唔heavy
仲有呢度嘅老闆同埋店員都好好人
加埋自家製平民嘢食但係高質味道，呢一切食得出屋企嘅溫暖，仲要價廉物美，難能可貴😭
