滿香濃

食咗滿香濃幾次都係食佢嘅蒜香麻醬拌麵，今次決定試吓湯麵系列，點咗剝皮辣椒雞湯麵，等得相對比拌麵耐，係正常嘅，因為店員要翻熱湯麵以及剝皮辣椒湯包。
拎到返公司食都仲係暖笠笠嘅，初頭飲第一啖湯覺得好似偏向淡味，但係再飲就飲得出好溫柔嘅辣味，而且雞件完全冇骨之餘仲非常之軟滑，好有驚喜，麵條就係同拌麵一樣嘅各款面質，唔算非常煙煙韌韌，但好吸湯，唔錯的。
份量方面一個女仔作為午餐係夠食嘅，但如果係男仔嘅話建議嗌多一兩份小食先可能足夠🙈