河內越式料理 (村南道)

呢間越南野係大圍都做左一段時間
能夠係呢到做到咁耐果然都有返咁上下

典型越式餐廳，價錢正常

極品牛三寶湯河粉（生牛肉、牛展、牛丸）

湯底濃郁鮮甜

生牛肉、牛展同牛丸都好鮮嫩，同河粉配搭得恰到好處，令人回味無窮

河內越式三寶飯
呢個都好有水準又抵食

豬扒同雞翼都煎得香脆又入味，扎肉有濃濃香料既香氣
而成碟份量都好多下，性價比好高

越式豬頸肉
都係非常出色，豬頸肉爽口，而且炸到外層脆脆地好香口惹味，蘸上泰式辣醬食更好味

越式炸蝦餅
外層炸得香脆，蝦肉食到陣陣鮮甜，配上醬汁一齊食就更加惹味