醉胡爐 (已搬遷) 新店位置

兩個人打爐邊真系好難買野，樣樣都想食，越買越多，次次都搞到要食2～3餐，本來新鮮嘅材料都變得吾新鮮，所以2人的話最好都系出街食，乾手淨腳，吾洗買又吾洗煮，特別系夏天嘅日子，買完野身水身汗都無晒胃口啦身為火鍋控的我最愛去醉胡爐，佢地嘅湯底真系無得輸。之前試左佛跳牆，火焰龍蝦，今次再試另一招牌湯底 ～ 椰子雞湯底。店員每次都會叫客人飲左個湯底，之後再加湯打邊爐，因為佢地個湯底真系真材實料，原個椰子水加落湯底度，鮮甜無比。黃金墨魚丸 ～ 一口咬落去就有咸蛋黃漿爆出黎