肥佬車仔麵

外賣單: 清湯腩汁，加葱，魚腐，魚皮餃，紫菜，芝士腸，烏冬。

佢地出食物算快手嘅，下午人好多，堂食外賣都多人，之前岩岩開張食過一兩次幾好，員工都好nice，所以今日再食佢地，不過就執漏嘢。外賣拎到返去唔通行返落去咩，叫得外賣都係趕做嘢。

叫了四餸，返到去打開坐低食執漏兩餸，無咗魚皮餃同紫菜，錢又收了我。雖然未必係有心，但係已經打咗個折，下次唔敢再叫外賣，或者堂食會好啲，起碼睇到係咪比漏食物。

湯底幾入味，加咗腩汁口感濃啲，無咁寡。

魚腐算大舊，唔錯。魚皮餃紫菜無食到，芝士腸麻麻地。烏冬偏硬身，可能我估叫返米線油麵會穩陣啲。