泰.夯蝦 (堅拿道西) (已結業)

泰國好出名嘅流水蝦，冇得飛去泰國，唯有食香港班止下癮👆🏻爆膏大頭蝦😻係側邊類似魚缸嘅物體，會有大頭蝦游來游去，夾起佢放落冰筒等一陣，直接將佢放喺燒烤爐上面燒，其實真係好新鮮，確保每隻肉質都好爽口，而且大頭蝦既蝦膏好甘香，金黃色齒頰留香，另外仲可以配唔同嘅泰國醬汁去食👆🏻元貝😼除咗大頭蝦，元貝，東風螺同蠔都係任拎黎燒，元貝都真係幾大粒同埋都燒係燒到新鮮同乾淨，咬落都好鮮甜，唔使加汁都好好食🌟提前訂位仲有七折同埋會送鹽焗蝦鮑魚同和牛👆🏻鹽焗蝦😼啲鹽都會同時釣到大頭蝦嘅鮮味，食得多淨係烤咁樣又有第二啲風味，而且蝦膏一樣都係好多，有時金黃色有時會流出嚟👆🏻鮑魚😻好新鮮店員仲好好幫我哋切埋個膽，鮑魚咬落一啲都唔韌，燒到啱啱好加埋啲海水味，鮮味出曬黎👆🏻和牛原本以為佢會送啲cheap cheap牛，點知有啲驚喜，牛一燒就知唔係垃圾牛，而係油花都幾靚，燒一陣加少少醬汁放入口，牛味都幾濃而且油花會浪係個口度，有少少入口即溶嘅感覺除咗以上嘅食物之外，仲會有平時漢超見到嘅燒烤食物同埋蔬菜種類都一般啦，不過唔使期望佢嘅熟食，真係一般般，另外甜品仲有泰式西米糕大菜糕同雪糕，都可以接受嘅，不過始終醉翁之意不在酒