大池記大排檔

🔸潮汕鹵水鵝（例牌） $98
🔸拔絲新鮮菠蘿咕嚕肉 $98
🔸花菇枝竹炆大鱔煲 $148
🔸白飯 $12
-
尋晚同屋企人去咗啟德大池記大排檔食晚飯，間舖係典型港式大排檔風格，開揚通爽，坐得舒服，啱晒一家人或者朋友聚餐。

我哋叫咗潮汕鹵水鵝，鵝肉滷得好入味，皮香肉嫩，鹵水味濃但唔會死鹹。

拔絲菠蘿咕嚕肉就真係有驚喜，外脆內嫩，加埋菠蘿酸酸甜甜！

花菇枝竹炆大鱔煲夠晒鑊氣，大鱔滑溜冇腥味，枝竹吸晒汁，好惹味。

配返碗白飯，啱晒送餸。整體食物水準高，價錢合理，份量足，服務都幾有禮貌，係一間值得再嚟嘅地道排檔！