金多客小食

天氣涼涼地,酒樓又唔想食, 就試下兆禧街市嘅大排檔. 雖然呢個街市好細,而且冇乜商戶, 但就有一間餐廳真係炒到以前港式嘅味道

一個小菜連白飯加可樂,收65蚊, 今次我就要咗個椒鹽肉排, 其實可以唔要可樂要例湯, 但話明港式風味,就梗係要杯可樂啦. 嘢食好快就到喇, 原來佢唔係肉排嚟㗎, 係椒鹽豬扒咁樣 咁都好啲, 起碼有嚿肉食下. 目測份量大概有三塊豬扒左右, 雖然食得出係落鬆肉粉, 但佢係好有 鑊氣咁炒, 因為好夠火候, 所以食落好惹味 真係難得一見, 好香港大排檔嗰隻鑊氣嘅小菜, 好食