花月冰室

营业中

休息中

陪女兒們去深水埗買電話咭，之後行咗去元州街花月冰室食飯，餐廳燈光明亮，地方整潔乾淨，是一間港式茶餐廳。每款主食都會奉送餐湯，中湯係西洋菜湯，味道香濃夠火喉。美式雜扒配薯菜及餐湯、黑椒汁：雜扒熱辣辣用鐵板上，牛扒、豬扒和雞扒都好大塊，肉質鮮嫩，配黑椒汁非常惹味。薯角係即炸，香脆可口。豉椒肉片炒河：炒得有鑊氣，肉片嫩滑，每條河粉都沾滿豉椒汁，非常惹味！星洲炒米：材料豐富，有蝦仁、叉燒、芽菜、雞蛋、洋蔥等，味道帶點咖喱香，略帶辛辣，口感豐富。鮮茄芝士焗肉醬意粉：意粉焗至金黃色，每一口充滿肉香和酸甜開胃的番茄味，香濃惹味。凍奶茶味道香濃且充滿茶香。椰汁紅豆冰香甜、清涼、充滿椰香味和紅豆的甜味。