街坊Cafe (已結業)

係旺角搵野食！見到個招牌有好多有香港特色既甜品！以香港為主題，有好多好靚既壁畫，座位亦唔少，坐得幾舒服。叫左set食，有湯、主菜同飲品。湯可以揀西湯或者碗仔翅，係一間以香港做主題既餐廳，當然要試下碗仔翅啦。碗仔翅入面超多冬菇，好似兒時係街邊係既味道，好好食。美國肉眼扒係屬於比較薄身個種牛扒，剛剛好五成熟，牛肉入面仲係嫩滑，好香口，唔洗再加醬汁已經夠味啦。一加一 藍碟花有非常漂亮既漸變層，好夢幻！一加一係指芒果加菠蘿，芒果味較突出，味道少甜，仲有有粒粒芒果啫喱係底。士多啤梨荷蘭班㦸配雪糕班㦸充滿蛋香，整體口感軟滑，邊緣地帶就帶點脆口，加埋冰凍朱古力雪糕，有冰火交融既感覺，好食。