更多
2022-08-16
1147 浏览
小编喺附近返工,成日都会去中海日升𠮶度买外卖。今次我用左Foodpanda 自取,去龙城冰室度拎外卖。由于落大雨,我成身湿晒,姐姐知道我嚟拎外卖,冇其他叫我嗱嗱声走,仲好好人咁俾咗张纸巾我,仲同我讲小心冷亲,𠮶一刻觉得好窝心。讲返块招牌美国西冷牛扒,牛扒真系好港式牛扒味道。其实我好钟意食啲港式食物,食材虽然唔系话好靓,但总系会拉住你嘅灵魂,令你好想食。呢个牛扒其实真系算好唔错,佢完全冇根,煮得好淋,蒜蓉汁味道好重,好入味。想赞一赞佢个焗薯,可能小编自己本来就好钟意食焗薯,觉得佢煮得好好食。佢个焗薯唔会煮到好粉好烂,煮得啱啱好。佢加咗个日式芝麻酱而不是酸忌廉,我反而觉得几特别。所以我一定会再食🫶🏻下次我要食黑椒汁
由于落大雨,我成身湿晒,姐姐知道我嚟拎外卖,冇其他叫我嗱嗱声走,仲好好人咁俾咗张纸巾我,仲同我讲小心冷亲,𠮶一刻觉得好窝心。
讲返块招牌美国西冷牛扒,牛扒真系好港式牛扒味道。其实我好钟意食啲港式食物,食材虽然唔系话好靓,但总系会拉住你嘅灵魂,令你好想食。呢个牛扒其实真系算好唔错,佢完全冇根,煮得好淋,蒜蓉汁味道好重,好入味。
想赞一赞佢个焗薯,可能小编自己本来就好钟意食焗薯,觉得佢煮得好好食。佢个焗薯唔会煮到好粉好烂,煮得啱啱好。佢加咗个日式芝麻酱而不是酸忌廉,我反而觉得几特别。
所以我一定会再食🫶🏻下次我要食黑椒汁
张贴