影片
更多
2019-07-14
580 浏览
同朋友食飯，除咗打邊爐，小菜都係一個好選擇。朋友之前食過一次杜老誌飯店話性價比好高，呢日就帶我地一齊再食！餐廳以老香港為主題，用上大量霓虹燈牌，呈現好多昔日嘅香港風情，播嘅歌係八，九十年代膾炙人口嘅金曲，好有親切感。⭐️炸子雞(全隻) $268首先，碟炸子雞份量好多😍好大隻👍🏻皮薄香脆，冇咩肥膏，肉質嫩滑juicy!! 我認為係必食嘅💪🏻如果人少少怕食唔哂都唔怕，佢仲有紅燒乳鴿可以揀！⭐️鹽燒鮑魚煲 $188一出菜已經聞到好香嘅乾燒洋蔥味，香到吸引埋其他食客嘅目光🤤鮑魚總共有六隻，烹調時間掌握得啱啱好，肉質鮮嫩彈牙，好惹味😍配菜洋蔥都好正，好香甜。⭐️柚子骨 $88本身有諗過叫咕嚕肉，但見到餐牌上面有柚子骨，覺得比較特別，決定叫嚟試一試。呢次嘅選擇真係冇做錯，柚子骨好好味!!!!皮脆肉嫩，肉汁豐富好juicy🤤半肥瘦肉質又香又彈牙。柚子醬酸酸甜甜，味道清新，而家諗返起都流口水🤤🤤⭐️椒絲腐乳炒通菜 $68好有鑊氣嘅炒通菜，除咗椒絲，當中仲有幼幼嘅薑絲，好惹味好香口。⭐️菠蘿皮西米焗布甸(細) $28布甸有大細Size可以揀，大$138，細$28，店員話大嘅夠八個人食，咁我哋叫個細嘅就夠啦。呢個甜
餐廳以老香港為主題，用上大量霓虹燈牌，呈現好多昔日嘅香港風情，播嘅歌係八，九十年代膾炙人口嘅金曲，好有親切感。
⭐️炸子雞(全隻) $268
首先，碟炸子雞份量好多😍好大隻👍🏻皮薄香脆，冇咩肥膏，肉質嫩滑juicy!! 我認為係必食嘅💪🏻如果人少少怕食唔哂都唔怕，佢仲有紅燒乳鴿可以揀！
⭐️鹽燒鮑魚煲 $188
一出菜已經聞到好香嘅乾燒洋蔥味，香到吸引埋其他食客嘅目光🤤鮑魚總共有六隻，烹調時間掌握得啱啱好，肉質鮮嫩彈牙，好惹味😍配菜洋蔥都好正，好香甜。
⭐️柚子骨 $88
本身有諗過叫咕嚕肉，但見到餐牌上面有柚子骨，覺得比較特別，決定叫嚟試一試。呢次嘅選擇真係冇做錯，柚子骨好好味!!!!皮脆肉嫩，肉汁豐富好juicy🤤半肥瘦肉質又香又彈牙。柚子醬酸酸甜甜，味道清新，而家諗返起都流口水🤤🤤
⭐️椒絲腐乳炒通菜 $68
好有鑊氣嘅炒通菜，除咗椒絲，當中仲有幼幼嘅薑絲，好惹味好香口。
⭐️菠蘿皮西米焗布甸(細) $28布甸有大細Size可以揀，大$138，細$28，店員話大嘅夠八個人食，咁我哋叫個細嘅就夠啦。呢個甜品要提早20分鐘左右通知，即叫即焗！菠蘿皮酥化鬆脆，餡料有蓮蓉奶黃西米，好有懷舊風味，而且甜度適中，甜而不漏。
张贴
