瑞士咖啡室 (已結業)

今日再一次踏進呢間茶餐廳， 人客熙來攘往， 繁忙感覺依舊。食早餐我一向貫徹宗旨， 就係要食得飽。 所以我好執著早餐一定要一碗碳水化合物充足嘅麵類， 今次亦都唔例外。平時食開五香肉丁公仔麵 或者沙爹牛肉公仔麵嘅我， 今次早餐決定落重本， 食咗個名為（極品）嘅早餐。 咁到底呢個極品有幾極品呢？ 就係佢個粉麵多咗塊鮑片， 平時食開罐頭撈麵嘅， 今次有塊鮑片梗係升華十倍啦！唔止tim喎， 隨餐附送嘅並唔係炒蛋多， 而係需要手工製作嘅火腿奄列， 同埋 一個新鮮嘅菠蘿油。 呢個組合完全唔係普通早餐能夠比擬的， 極品當之無愧！ 一日之計在於晨， 有如此極品早餐， 夫復何求！