竟然比我見到小曼谷，
一於同朋友試一試！
有別於九龍城既裝修，
門口已經見到有成架小火車，
有泰國火車餐廳既氣氛，
裝修比較摩登，好啱同朋友黎食！
首先嗌左碟酸辣鳳爪做前菜，
酸酸甜甜又夠辣，惹味又開胃！
仲有鐵板豬頸肉通菜，超級大碟，
食落好有鑊氣，調味唔會太咸啱啱好！
最有驚喜反而係串燒，
雖然要等耐少少但係都值得，
燒雞全翼，雞皮脆雞肉嫩，
點埋特製既沙嗲醬，食落好夾！
仲有珍寶帆立貝，帆立貝生熟啱啱好，
配埋車厘茄食，帶出帆立貝既鮮味！
最後仲有招牌泰皇咖哩大蜆，
配埋原味烤酥餅，味道一流！
