甜家

同朋友港島遊中發現呢間小店，有驚喜👍🏻甜品種類都幾多，揀咗2個嚟試下，分別係芋圓仙草凍同楊枝甘露，2碗糖水都裝得好滿。

芋圓仙草凍啲芋圓粒粒都好有咬口好好食，咬真啲仲有啲芋頭粒係入面，紅豆配仙草都好夾，同朋友都好鐘意！

另外就係楊枝甘露，芒果都比得不少，每啖都有芒果粒食到，芒果幾甜唔會好酸，配埋啲汁同西米一齊食簡直👍🏻👍🏻👍🏻。

食緊途中仲聞到間鋪足滿椰子嘅味道，原來係隔離枱嗌咗啲椰皇類甜品，好香好吸引，朋友都話想下次嚟試埋其他甜品！

楊枝甘露

$38

芋圓仙草凍

$45