阿貓地攤 (已結業)

每次約朋友去港島都一定會黎呢間，今次難得有影相就寫埋食評支持下啦！lunch 50幾蚊對年青人黎講都仲afford到，醉翁之意不在酒，黎得呢度主要都系睇下貓咪，食野只系其次同朋友傾傾下計，周不時都會有貓貓行近我地度，甚至試話玩玩下牌隻貓行過黎坐左係牌度哈哈，好得意！對愛貓人士黎講呢度係必去既地方！今次點了煙三文魚天使麵，其實味道真系好一般，煙三文魚一片片"散收收"冇美感可言，對比一般鋪頭都鍾意用兩塊較大既煙三文魚捲成花，呢度就有點兒唔夠誠意喇！天使麵煮得有D"淋"喇，而且太濕，應該煮濃小小個汁先加上去加杯熱朱古力，杯朱古力唔同平時出面果D，店員好有心機係上面拉埋花，係貓貓既樣黎超得意！有D唔捨得飲