更多
2021-01-22
1512 浏览
由于而家夜晚唔可以出街食好西,所以一有时间就会同老婆系下午食好d,特别系去一d新餐厅尝试。今日我地就去左位于登龙街呢间Hungry Money叹返个early dinner。😁朋友之前去过呢间Hungry Money,佢非常推介呢度嘅港岛烧,我地今日下昼4点几到餐厅,由于唔系繁忙时间,客人唔多,餐厅除左设有卡位之外,仲设有bar枱位置,可以边食边欣赏师傅即场制作铁板烧。我地先点左杯特饮,之后慢慢细尝每款食物。😋菠萝清酒咸柠檬梳打 $68用清酒配搭菠萝嘅呢款特饮,入口香甜,酒味唔算太浓,不过带有清酒独有嘅酒香,系一款会令你忍唔住一啖接一啖好快入哂嘅特饮。😆辣酒煮冻花螺 $88估唔到以铁板烧为主题嘅餐厅都可以食到辣酒煮花螺,呢款花螺辣度适中,酱汁虽然浓,不过唔会太咸,螺肉爽口,佐酒一流。👍🏻一夜干鸡扒 $78一夜干制作嘅鱼就食得多,以一夜干制作嘅鸡扒我地都系第一次食,鸡肉非常入味,而且唔会太干,鸡皮仲非常香脆,鸡扒大大块,两个人share都好满足。😁帝皇蟹脚 $178系bar枱食铁板烧帝皇蟹脚确系特别享受,师傅烧蟹脚时已经闻到海鲜嘅香味,睇住只蟹脚慢慢烧香再放入口,感觉特别唔同。帝皇蟹脚
朋友之前去过呢间Hungry Money,佢非常推介呢度嘅港岛烧,我地今日下昼4点几到餐厅,由于唔系繁忙时间,客人唔多,餐厅除左设有卡位之外,仲设有bar枱位置,可以边食边欣赏师傅即场制作铁板烧。我地先点左杯特饮,之后慢慢细尝每款食物。😋
菠萝清酒咸柠檬梳打 $68
用清酒配搭菠萝嘅呢款特饮,入口香甜,酒味唔算太浓,不过带有清酒独有嘅酒香,系一款会令你忍唔住一啖接一啖好快入哂嘅特饮。😆
辣酒煮冻花螺 $88
估唔到以铁板烧为主题嘅餐厅都可以食到辣酒煮花螺,呢款花螺辣度适中,酱汁虽然浓,不过唔会太咸,螺肉爽口,佐酒一流。👍🏻
一夜干鸡扒 $78
一夜干制作嘅鱼就食得多,以一夜干制作嘅鸡扒我地都系第一次食,鸡肉非常入味,而且唔会太干,鸡皮仲非常香脆,鸡扒大大块,两个人share都好满足。😁
帝皇蟹脚 $178
系bar枱食铁板烧帝皇蟹脚确系特别享受,师傅烧蟹脚时已经闻到海鲜嘅香味,睇住只蟹脚慢慢烧香再放入口,感觉特别唔同。帝皇蟹脚蟹肉超饱满,入口微脆,蟹肉鲜甜多汁,基本上唔需要再添加汁酱已经非常美味。😍
广岛烧 $128
Hungry Monkey的广岛烧非常富有港式风味,除左广岛烧常见的食材配料之外,呢款港岛烧仲加左腊肠,虾米,肉松,芫荽同叉烧,味道有d似港式足料蒸萝卜糕,同时又有日式广岛烧嘅味道,层次非常丰富。😁
边食边倾,好快就差唔多到6点,埋单每位$300有找,希望疫情尽快过去,期待下次可以夜晚黎慢慢食唔驶睇住时间啦。😆
张贴