印度廚房 (已結業)

午市幫襯叫了兩份午餐，主菜分別係烤雞同咖喱羊。烤雞鐵板上熱辣辣，烤得恰到好處，唔會好似有些舖頭燒到黑炆炆，雞肉亦非常入味，四個字：非常好吃！至於咖喱羊，同行者形容羊肉夠羶，但自己唔食羊，不便評價。不得不提仲有Naan！餅做得唔油有粉香，重要嘅係拎上手就覺足料夠份量。兩份餐分別$38同$42，跟餐仲有湯同胡椒餅，算抵食！是日餐湯辣辣地幾醒胃，胡椒餅亦好夠胡椒味，入口好香。我地仲加左錢要埋Mango Lassi，不過好似樓上話齌，呢樣野都係芒果加乳酪，度度味道都唔會差太遠，我自己就可以接受再甜少少。總括來講呢餐可以話好滿意，喺渡船角除左來來去去的腸粉、串燒，又多左個選擇啦！