THE PONT (已結業)

🐓香辣雞翼配荔枝沾醬單骨雞翼，熱辣辣勁香口，炸粉均勻，雞皮炸得脆卜卜，肉質Juicy! BB辣，沾上荔枝醬清新香甜，中和辣感，小朋友都啱食。🍔Pont 招牌和牛漢堡包日式和牛漢堡，肉質較淋身，漢堡煎到外香口內軟嫩多汁，配上脆口煙肉，新鮮生菜蕃茄，好classic 而且好味道，大大個好滿足，仲配有炸薯條。🍛吉列日本和牛漢堡配日式咖喱汁雖然同樣是和牛漢堡，但吉列炸漢堡更彈牙而且肉質較滑，咬落啖啖肉香，同樣唔會乾身，好配咖喱汁！🥧暖心蘋果撻配雲呢拿雪糕即叫即焗，熱辣辣香噴噴，蘋果入味又夠酸甜！雲呢拿雪糕非常smooth又夠凍，一定要夾埋蘋果撻一齊食，又熱又凍，又酸又甜，又脆又軟，多重口感！☕️凍鮮奶咖啡，熱朱古力冬天飲番杯熱朱古力，特別暖心，仲有靚靚拉花。