Dozy

其實小編們都唔係第一次嚟到呢間cafe，之前各自同朋友都嚟過，今次一齊再嚟食下野順便帶左部MacBook做下野😝呢到裝修明顯用左水泥工業風嘅風格，夠晒復古，坐下最出嘅位置影下相打卡確實有啲feel。不過J小編最鐘意都係樓底夠晒高，環境所以望落去好闊落，空間感好充足~

整體質素都ok，係今次個flat white爭少少🤏🏻不過呢到勝在可以比想做野嘅朋友過嚟順便飲杯啡，事關有插頭可以叉電，小編們都見到唔少人帶埋電腦同iPad係呢到做下野咁。

1

上次就介紹左牛油果意大利飯，今次就試下牛油果醬意粉。呢個慢煮雞扒好入味，香草味好香，肉質好淋。呢個牛油果醬比起上一間介紹嘅cafe較為好食，牛油果醬份量適中，味道剛剛好🥰

$98

本身想試下焙茶味嘅巴斯克芝士蛋糕，但係已經賣晒，所以試吓原味😕呢個蛋糕口感軟滑，芝士味都夠濃郁。甜度適中，用黎配咖啡食就一流！

$58

今次對呢杯flat white就有啲失望啦😫好淡咖啡味，啲牛奶都唔夠香濃，好似飲緊一杯溝淡咗嘅咖啡。

$40

反而呢杯mocha朱古力味夠濃，J小編幾鐘意。朱古力味大過咖啡味，適合一啲唔鐘意飲太苦咖啡味嘅朋友仔。

$45