椒鹽鮮魷 - $92
外脆內軟嘅椒鹽鮮魷, 表面薄薄嘅脆漿, 炸到金黃色, 入面鮮魷係極容易咬開, 份量都係好大份, 椒鹽味唔算重, 但食落鹹香惹味, 一口接一口; 如同朋友飲返杯嘅話, 叫呢個就啱哂啦。
西蘭花炒斑球 - $92
跟住嘅西蘭花炒斑球, 斑球大大件, 食落去好鮮味, 好有鑊氣嘅小菜, 西蘭花煮得青青綠綠墊底, 斑球外皮煎走過油, 魚肉都幾結實, 啖啖都係新鮮魚肉, 送飯一流。
八珍豆腐煲 - $82
個煲燒到好紅 上檯時吱吱聲 呢啲就, 係港式風味; 八珍豆腐煲, 有蝦, 叉燒, 豆腐, 魷魚, 豬肉片, 雞肉, 菇, 白菜仔; 蝦同魷魚都勁新鮮, 爽口彈牙, 豆腐輕輕炸過, 叉燒好淋, 豬肉片, 雞肉都好嫩, 一啲都唔柴, 仲有啲薑段同菇片, 唔錯。
飲品 / 白飯
凍檸水, 小菜要凍飲加$7 / 鴨屎香檸茶, 小菜要凍飲加$9
白飯加$10
