良記餐廳(老鳳冰室) (已結業)

深水埗咁多好嘢食呀，老鳳嘅絕對唔係以味道最為取勝，但係亦都唔係得個殼啲靚靚裝修。要講一個宗旨呀，我覺得就係研發咗唔同款式嘅美食等你次次嚟食都係食唔同嘅嘢，同時味道又唔差。今次嚟早餐時段嚟嘅，就叫咗個芝士麵，咁味道呀反而都冇韓國嗰啲芝士麵咁好食，始終都係得一片芝士但仍然算係可以試嘅菜式。另外加咗錢食個肉膜，始終熱啦啦整起味道一定唔差但亦都未到有驚喜。同時亦都加錢叫咗個特飲，個樣呀真係好靚仔仲有塊啤牌咁嘅嘢，大大杯朱古力。全部食物都好啱打卡，加埋個環境唔怪得吸引到咁多人嚟試，講真佢嘅食物食三五次都未食得曬。