坤記糕品專家 (已結業)

深水埗呢間懷舊糕點店已經有好多年歷史，到而家依然屹立不倒一定有佢嘅特色之處。見到側邊貼住左好多以前嘅報道，有啲可能已經發黃，更加突顯佢老字號嘅地位！全部糕點都會放晒出嚟，糕點價錢係按重量計算，非常公道，最少$11起。糕點選擇多，好多都想試，最後揀咗馬蹄糕同埋芝麻糕，兩種糕點摸落都已經好軟熟。-🔻芝麻糕▪️一層層嘅結構，鍾意嘅可以一片片咁食▪️芝麻味好重，真材實料！-🔻馬蹄糕▪️味道非常清甜，唔會過分膩▪️好多馬蹄粒，食落好爽口坊間好多小食店整糕點都整得唔好食，但老字號真係好有保證，如果想食真正嘅懷舊糕點一定係揀呢一間！😎