樂拉麵和居 (已結業)

夜晚10點去柴灣搵嘢食，多數商場食肆都已經關門，行吓行吓去到柴灣道依邊就有多啲選擇。餐點選擇唔算十分多，主食有各款拉麵、咖喱飯，另外有冷盤同炸物。我地兩個人叫咗魚介拉麵、咖哩吉列雞扒飯、炸薯餅、炸魷魚。依度係用qr code自己落單。餐廳位置有限，比較適合四人以下用膳。夜晚仲有得食拉麵暖下胃，雖然味道難與日本過江龍相比，賣相味道都合格有餘。小食炸魷魚份量略嫌少咗啲，適合一人一份。如果同朋友分享，建議多叫幾碟。