壹燒鵝 (興裕大廈) (已結業)

女朋友唔得閒陪我，又到我自己出動搵好野食既時候。今日經過天后，發現到一間新餐廳，主打深井燒鵝，我就入去試試啦！餐廳環境好舒服好乾淨，餐牌仲好精緻。我叫左燒鵝脾燒腩仔雙拼瀨粉。燒味是餐廳自家燒製，燒鵝脾味道超驚喜！燒鵝肉嫩非常多肉汁，外層仲燒到卜卜脆架！肉質好滑嫩，食到停唔到口呀！燒腩仔燒到脆卜卜，肉質帶啲油脂，入口鬆化咸香！我仲叫左紅棗果纖蜜，好滋潤。