小瑪哥米線

营业中

休息中

本身見到朋友去食呢間餐廳嘅招牌山珍氣鍋雞，但係下午茶時段去好似冇咗呢個選擇，反而比我食到佢哋更加好食嘅！皮蛋嘶嘶雞飯嘶嘶係形容緊食完之後嗰種辣，之後自己會發出嘅聲音，我自己本身都唔食得辣，但係覺得佢哋嘅辣都幾符合香港人嘅口味。佢嘅皮蛋加加埋埋應該有一隻咁多，而雞肉全部好滑身，皮同肉之間仲有層啫喱，配飯一流，我幾乎食晒成碗飯 涼拌海蜇 原味涼拌海蜇有得揀原味同辣味，佢哋嘅海蜇煙靭爽口，涼拌完之後唔會好鹹，都幾開胃。召通醬雞翼3隻呢一款雞翼應該係我記憶中食過最好食嘅雞翼之一，佢哋嘅醃製醬料好惹味，自己食三隻完全唔夠喉，啲肉亦得醃得好入味。