天浮橋拉麵 (已結業)

雞白湯拉麵，港島區就高手雲集，座銀、金鶴、鳥華亭，you name it。但大西北嚟講，元朗天浮橋應該數一數二。鹽雞白湯($80)(總分8/10)包括味玉、紫菜、三片雞叉燒。🍲 湯(7/10)：所有拉麵都雞白湯做base，今次先試最original嘅鹽雞白湯一嚐真味。湯頭淡香雞味，不濃不膩，冇味精不口渴可喝光。但，不及座銀金鶴，湯頭需要再濃D。🥚 味玉(8/10)：半熟程度剛好，筷子輕輕一夾開，溏心蛋漿慢流出來。🐓 雞叉燒(7.5/10)：雞腿肉叉燒做得幾鮮嫩，可媲美以前灣仔鳥華亭嘅質素。🍜 麵質(8/10)：麵係小麥麵，即係元朗彩Aya嗰種，特別有彈性、有咬感、掛湯。其他：有提供冷水（但不是冰水）；餃子一般；有提供芝麻（但沒有好的磨研器，搞到似腸粉上面加芝麻嗰種）；沒提供蒜蓉。