金酒屋 @kinzakaya.hk
佢地有刺身、串燒、壽司、日本清酒、梅酒等等包羅萬有！
真係要去幾次先食得晒 🤭
✨金龍珠海膽吞拿魚蓉卷
金龍珠其實師傅用醬油醃三四日嘅日本雞蛋
然後慢慢用人手撕去蛋黃衣
可謂一度精緻嘅手工菜
面海膽同吞拿魚蓉份量絕對毫不吝嗇
中間亦有青瓜
口感清新
✨金酒杯
精美嘅金酒杯最上面有新鮮嘅海膽
下面有拖羅蓉、鮮甜松葉蟹肉同充滿鹹鮮味嘅三文魚籽
整體份量都勁多
口感層次分明
令人難以抗拒咁一口接一口
✨海膽拖羅蓉千層脆脆
✨焦糖鵝肝和牛千層脆脆
酥炸嘅紫菜脆皮包裹住唔同嘅餡料
淘小姐就極力推薦焦糖鵝肝和牛千層脆脆
煎得焦香嘅鵝肝外面仲有一層焦糖
同內層充滿油香嘅和牛
味道完美融合
兩款千層脆脆上面都有魚子醬
份外矜貴
呢個時候師傅為淘小姐送上多款漬物
例如蕃茄漬、苦瓜漬、青瓜漬等等
款款味道不同
大致上酸味味咁
喺唔同嘅菜式之間食吓呢D漬物
可以刺激下味蕾
咁再食下一道菜嘅時候就食得更真嘅味道
✨滿丼。海膽鵝肝三文魚籽飯
鮮甜嘅海膽配以油香濃郁鵝肝同三文魚籽
每一啖都鮮味滿分口感大滿足
✨炙燒爆膏四頭巨型虎蝦
約10寸長嘅四頭虎蝦
肉質鮮美
係蝦頭部分仲有大量蝦膏
味道濃郁豐富
最後上嘅係四款特色串燒
✨厚燒牛舌心
口感彈牙
稍微以海鹽調味更顯佢嘅油香
✨西班牙豬肋條
味道濃郁肉汁豐富
讓人回味無窮
✨黑豚五花腩
外酥內嫩油脂香醇
每一口都令人滿足
✨自家製雞皮蝦
呢款充滿心機嘅串燒
彈牙嘅海蝦配香脆嘅雞皮
突顯蝦肉鮮甜
🍽️ 金酒屋 @kinzakaya.hk
📍 荔枝角長沙灣道909號地舖
