串Grill 自助燒烤專門店 (譽發廣場) (已結業)

朋友最鐘意食BBQ，今晚約左佢去譽發廣場串grill自助燒烤專門店 。結果朋友話有驚喜，以後落雨都可以舒舒服服BBQ啦。而且冷氣夠通風好，燒烤爐係自動轉的，仲唔會燒燶野，樣樣燒到金黃。食物種類亦多選擇，由牛舌，豬腩肉到雞皮都有，而且質素好正。用電話自己點，又無漏單。而我最鍾意佢夠多調味料，孜然粉同椒鹽粉夠晒惹味。另外service好，收野夠快。飲品款式多，仲要任飲，唔似得燒烤場得2樽，點夠喉。最尾仲有4隻味haagen dazs雪糕俾你簡，呢個價錢性價比十足。