世紀椰汁

土瓜灣好多多年歷史老店，有心機行會發現好多有趣事物。 呢間士多，鋪面細細，主賣椰汁。

椰汁即叫即打。 因為連冰一齊打，入口十分冰凍，夏天飲消暑一流。 椰汁口感頗濃厚，椰子味亦算重。

建議趁最冰涼既時候，飲晒佢就最好啦。 感覺放耐咗，溫度回升，慢慢奶既感覺會變得越嚟越強。 同時，甜既感覺亦會越嚟越高。 始終，溫度係會影響人對味道既感覺。 就好似雪糕、汽水等等，放到變室溫都會變成入唔到口既糖漿。 呢支椰汁都係，趁最冰涼既時候飲就好啦。