！精挑細選，我地就揀咗鯉魚門，因為阿爸至愛的媽媽未去過
沿途見到不同種類的海鮮，爸媽都覺得好有趣［雖然日日都去街市，不過有仔女一齊行，乜都開心Ｄ］。事不宜遲，即刻去片睇吓食咗乜
：
椒鹽瀨尿蝦，好正。平日阿媽話唔食瀨尿蝦，因為覺得＂冇肉食＂，今次佢大啖大啖咁咬，非常滋味。
＂人人有份＂，跟住上的豉椒蟶子，係姐姐＂非佛＂，一條條，彈彈彈，又真係好美味！
＂過冷河＂，食件清清地的豆腐，雖然唔太喜歡佢豉油滿瀉，但好在不失原來豆味！
跟住又係阿媽的粉絲元貝，佢話係最好食
阿媽大人想食肉蟹，所以唔係當造都照叫；好彩都好好味！！ 我地再三叮囑佢要原隻蒸，都係斬錯件
又係時候食Ｄ菜，好大盤金銀蛋莧菜，好有睇頭
＂不是父親節咩？點解全部都係母親至愛＂ haha...重頭戲，爸想食的薑葱蠔，好有鑊氣，連沙鍋上菜，勁！
佢仲送咗個連怕魚味的家姐都話好飲的魚湯，仲有生果盤。。。
究竟承惠多少?。。。[五位用]
大部份海鮮係去龍門的另一寶號＂寶德＂買；酒樓再每道餸收加工費HK$70
金銀蛋莧菜，約HK$90
豆腐，HK$65
茶每位，HK$10
另有兩碗飯，茶，前菜
合共，HK$1,2xx + 肉蟹HK$5xx （購自另一店） ［抵食與否？對於咁叻行街市的媽媽而言，佢梗係心痛啦；不過唔駛自己搞，兩老又食得開心，no problem!!
］
派頭
有別於一般的花生，前菜已經令人賞心悅目；有蒜蓉青瓜，酸薑皮蛋！好味！！
環境
當然比市區的酒樓寬敞，加上星期日晚，客人不太多，可以好舒服。而且，酒樓有兩層，唔怕冇位。
不過，對香煙有十級敏感的我，嗅到煙味，想必是廂房傳出來的，於是問服務員，＂房內係咪有人食煙呀？＂，誰知服務員A也不笨，立刻回答，＂冇呀！＂，但另一位服務員B露出馬腳，自言自語說，＂我閂左門le wor！＂有冇食煙，昭然若揭吧！
服務
撇除以上所說的香煙事件，服務員態度尚算良好，亦主動問我們是否需要幫忙影合家歡。
