22
第一式：養生滋補燉湯
好足料，飲落鮮甜滋潤，似屋企呀媽煲，正
第二式：生猛龍蝦& 活海員貝盛盒
半隻龍蝦咁上，蒜蓉好足料，蒸完之後，個龍蝦肉一夾出嚟係白雪雪、脹卜卜，口感係實淨得嚟又彈牙
蜆仔都幾標準，粒粒飽滿，打開殼之後啲汁水好甜，證明新鮮！
第三式：自選海鮮4款
🦀 奄仔蟹： 選擇了一隻奄仔蟹，體型中等，蟹肉結實，有鮮味
🦪 蒜蓉粉絲帶子 & 蟶子皇： 呢兩個貝類都係蒜蓉粉絲蒸，做法正宗。帶子大大粒又滑，蟶子都處理得好乾淨，食落口係爽脆嗰種，唔會嚡。
活龍躉魚肉：魚肉勁實淨、完全冇腥味，蒸完嗰隻魚皮邊位仲帶點膠質，夠晒嫩滑
第四式：蟲草花蒸文昌雞、梅菜蒸豬肉丸
、自家制鮮蝦丸
呢個放喺蒸籠入面嘅點心都幾有驚喜，雞肉同豬肉丸都好嫩滑，夾雜住花旗參同蟲草花，食落有陣淡淡嘅藥材清香
第五同六式：火鍋
套餐中包含美國牛頸脊，鮮脆肉鯇魚同多種火鍋配料，可無限次追加。
🐄 美國牛肩脊： 呢個牛片，肥瘦分佈幾靚，烚幾秒就食得，肉質夠滑，唔錯。如果唔夠飽，可以追加多幾碟。
第8式：海鮮精華粥底
粥底本身有排骨和南瓜，吸取埋龍蝦、蟹、帶子等海鮮的湯汁後，味道變得濃郁鮮甜，超入味！
另外好欣賞每一樣都有店員幫手set timer蒸同上茶，保證蒸得岩岩好, 我全程只要等食就可以了
