香港海賊王餐廳 (已結業)

仲好記得以前就好沉迷追海賊王動漫，每出一集都一定會追到貼，一直都好想去日本可以接觸到佢地更多商店餐廳，而家長大左時間忙左，無以前咁得閒時常追佢地既漫畫，但仍然都係咁喜愛佢地每一位角色人物。早前知道海賊王主題餐廳開左係黃埔，相信都有唔少人去潮聖，我特意忍一忍過多排先黎潮聖，今晚終於可以黎到啦！餐廳位於AEON範圍內，相當容易搵到，店門已經有成大隻太陽號係度，識郁仲會噴煙霧店員係我地入座前幫我地係左手手背蓋上大叉叉記號再入座，每張餐枱都有唔同角色代表既圖樣，我同朋友都好喜愛艾斯，所以特意叫店員安排我地坐係艾斯枱落餐後，見到周圍都設有唔同角色既人物公仔，見到都興奮，忍唔住周圍影相，影到咁上下，食物送到黎啦草帽日式咖哩飯賣相吸睛之餘，的確要相機食先，中間黃色飯係路菲既專屬草帽，圍住紅色係邊係茄汁，而咖哩鋪滿飯旁，有數顆牛柳粒，咖哩食落非常濃郁，而且帶少許酸，略有點辣味，開胃又唔會感到太膩，牛肉厚實啖啖肉，軟熟又唔會太乾身三刀流串燒一係餐牌見到食物圖片就想叫，送到黎真係見到有三把刀當串燒，分別係牛肉串，雞肉串同海鮮串，燒得幾香，彩椒好食到停唔到口，雞肉入口都算滑，點少少沙嗲醬食更惹味，其中海鮮串