海膽仔

营业中

休息中

海膽，係小弟最喜愛既海產之一，聽聞新蒲崗開左間專食海膽既餐廳，身為海膽迷既我點都要第一時間黎試下。一入門口已經見到大量隊機貨海膽，未出發先興奮。除左海膽之外，餐牌上仲有好多唔同選擇。我同友人叫左兩個定食，黎到就緊係要叫主題爆膽丼啦，叫埋個海老丼，咁就可以同友人一齊食到唔同口味啦。呢度每個丼定食都會跟一個沙津以及一個硯肉湯，硯肉好飽滿鮮甜，再黎講下我地既主角爆膽丼，啲海膽真係十級鮮甜，份量亦唔少，果然係招牌菜。最令人驚喜係呢度竟然有中拖同大拖食，中拖有一條筋，但油香好濃，未到入口即溶，但香港食到呢個質素已經算好好。其他壽司同刺身唔貴，cp值高。環境好食物唔錯，綜合黎講可以再黎。