S2 鐵板燒 (已結業)

同朋友約食飯，去佐敦食拉麵，食到一半朋友話前排見到有間主打海膽料理嘅餐廳都係喺佐敦，我就提議食完呢餐順便去食埋，朋友百般勸阻我，建議下次再去食，但我嘅提議變成了執意，好想食完呢餐就去試埋佢。由於我食海膽係有第二個胃嘅，所以我係唔會食唔落嘅。樂師傅招牌十八層海膽杯：招牌嚟嘅，唔係唔試啊嘛？呢個真係成個芭菲咁，造型好創新下，一杯集齊咁多款食材！真係每啖都有多重滋味。但係咁樣擺都有其唔好之處，就係啲味會混合一齊。有啲人可能會唔中意。我就覺得都唔錯，口感層次幾豐富。A5和牛松茸海膽卷：呢個係朋友叫嘅，雖然佢話係太飽唔食，但都比MENU吸引到，我都覺得味道真係唔錯！適合一啲唔食刺身嘅朋友。櫻花海膽焗花膠扒：口感彈牙，味道鮮美，仲有啲櫻花蝦鋪係面頭，豐富了口感和味道。唔錯！呢一餐“飯後海膽”食落嚟，埋單真係有啲肉赤，不過我認為一個月一次都可以接受到嘅。同埋我話唔飽係假嘅，食到最後真係好飽啊……飽到都有啲食唔清啲味啦。想試真啲味就最好唔好食咁飽去食啦。我本身想食埋呢兩樣，不過真係太飽了食唔落啦。海膽胃都裝唔落啦。