麵屋黑岩

营业中

休息中

難得平日嚟到深水埗，就專登搵咗一間評價唔錯嘅拉麵店試下。平日當然就係冇乜人，好快就坐低咗。 裏面嘅裝修都ok，睇得出有擺心思落去。咁當然我唔係呢式裝修而係食拉麵啦。我就嗌咗海老拉麵，要咗普通麵同椰菜，叉燒揀咗火炙。佢跟餐有個小食同飲品，我就揀咗炸雞同coke zero。 拉麵賣相唔錯，佢中間圓形就係一舊肉碎波。湯就略為鹹咗少少，飲唔到啲咩豬骨味。櫻花蝦亦都冇乜 蝦味，所以湯就麻麻地喇。麵質都ok，唔會太淋唔會太硬，都叫彈牙嘅。叉燒就完全食唔到火炙嘅味道。炸雞都叫炸得ok啦，都係有肉汁嘅，但係有少少碎骨，同日本食嘅炸雞唔同。總括嚟講係一間相對普通嘅拉麵，值唔值80蚊就見人見智喇。